شبابنا 1.0.2: جيلي في محادثاتك واستوديو للملصقات

هذا من أكبر تحديثاتنا لين الحين. اشتغلنا على أكثر شي طلبتوه منا: محادثات أمتع، سبارك أسهل، ومكان تعرض فيه مهاراتك. حدّث التطبيق من shbabna.app/download وجرّب بنفسك.

جديد

جيلي وشرارة في أي محادثة

صار تقدر تنادي جيلي أو شرارة في أي مجموعة أو محادثة خاصة: اكتب @جيلي أو @شرارة، أو رد على رسالتهم، ويردون عليك في نفس المحادثة. ويقدرون يبحثون لك في الإنترنت إذا سؤالك يحتاج معلومة جديدة، ويحطون لك المصادر تحت الرد.

يشوفون رسالتك وآخر رسائل قليلة قبلها بس، وما يحتفظون بشي من المحادثة. وإذا ما تبيهم في مجموعتك، مشرف المجموعة يقدر يوقفهم من إعداداتها.

استوديو الملصقات

سوّ ملصقاتك بنفسك في «ملصقاتي»:

• من صورة: أزل الخلفية بضغطة، وعدّل الحواف بالممحاة، وأضف إطار أبيض ونص.
• من فيديو: اختر لين 3 ثواني وحوّلها لملصق متحرك.
• من المحادثات: اضغط مطولًا على أي ملصق يوصلك واحفظه عندك.

ملفي المهني ومهاراتي

ارفع سيرتك الذاتية (PDF) واختر من يشوفها: الجميع، أو اللي تتابعهم، أو الشركات بس. وأضف مهاراتك من قائمة جاهزة، أو اكتب مهارتك بنفسك.

سبارك صار أحلى

• منشورات الصور صارت تظهر في سبارك، وتقلّب الصور بالسحب.
• كبّر بإصبعين على أي مقطع أو صورة.
• اضغط مطولًا وسط الشاشة عشان توقف المقطع وتختفي الأزرار.
• إعادة النشر مباشرة من سبارك.
• الصوت يشتغل حتى والجوال على الصامت.
• إذا رجعت لمقطع، يكمل من حيث وقفت.

بحث جديد

ابحث عن أشخاص ومنشورات ومقاطع سبارك، مع تبويب لكل نوع: الكل، مستخدمون، سبارك، منشورات. والبحث صار يفهم اختلاف الكتابة، مثل «الجامعة» و«الجامعه».

تفاعل بأي إيموجي

اضغط + جنب التفاعلات واختر أي إيموجي. ويوصلك إشعار لما أحد يتفاعل مع رسالتك.

الرد على الردود

داخل أي ثريد في التعليقات صار فيه زر «رد» على كل رد، ويوصل لصاحبه إشعار إنك رديت عليه.

ملفك الشخصي

• تبويب سبارك يعرض مقاطعك مع عدد المشاهدات.
• شارك ملفك برمز QR على خلفيات جميلة، أو حمّله صورة.
• عدّل اهتماماتك متى ما حبيت.

إشعار الشهادات

لما أحد تتابعه ينشر شهادة جديدة يوصلك إشعار، وتقدر توقفه من إعدادات الإشعارات.

تحسينات

• التعليقات: صار تقدر ترفق صورة مع تعليقك، والروابط فيها صارت قابلة للضغط.
• المسودات: النص اللي تكتبه في التعليقات والمحادثات ينحفظ إذا طلعت.
• حفظ الفيديو: يعرض النسبة المئوية لين يكتمل.
• أيقونة التحميل: شعار شبابنا صار هو أيقونة التحميل في كل التطبيق.

إصلاحات

• الفيديوهات الكبيرة اللي من برامج المونتاج صارت تشتغل مباشرة بعد النشر على كل الأجوال، وتطلع لها صورة غلاف.
• الفيديو صار يوقف لما تفتح قصة فوقه، ويكمل من مكانه لما تقفلها.
• إشعار «انتهى التصويت» صار يفتح منشور التصويت.
• الأرقام صارت أدق، مثل 11.3K بدل 11K.

شكرًا لكل اللي أرسل لنا ملاحظاته، أغلب هذا التحديث جا من اقتراحاتكم 💜 وإذا عندك فكرة، قولها لجيلي في الرسائل.